पो. वि मा नेविसंघको अनशन जारी आज २१औं दिन
पोखरा,२८ साउन । पोखरा विश्वविद्यालयमा लामो समयदेखि रिक्त रहेको पद पूर्तिको माग गर्दै नेपाल विद्यार्थी संघले सुरु गरेको रिले अनसन अझै जारी रहेको छ । अनसनको आज २१दिन पुरा भएको छ । २१दिन सम्ममा नेपाल विद्यार्थी संघका १५० बढी विद्यार्थीहरु अनसन बसीसकेका छन् ।
विश्वविद्यालय नेतृत्वविहीन भएपछि पठनपाठनमा समस्या भएकाले तत्काल पदपूर्ति गर्नुपर्ने उनीहरुको माग छ । विगत १० महिनायता उपकुलपति नियुक्त नहुँदा विश्वविद्यालयको पठनपाठनले गति लिन नसकेको रिले अनसनमा बसीरहेका नेबिसंघका नेता युनिक लम्सालले बताउनुभयो । आफुहरुले बाध्य भएर अनसन बस्नुपरेको उहाँको भनाई छ ।
नेबिसंघको यो अनसनमा विभिन्न संघसंस्था र संगठनहरुले ऐकेवद्धता जनाएका छन् । केहि दिन अघि मात्रै नेपाली काँग्रेस कास्कीका सभापति कृष्ण केसी पुर्व मन्त्री यत्रबहादुर थापा सहित कास्की काँग्रेसले पनि अनसनमा ऐकेवद्धता जनाएको ने वि संघका नेता सुनिल तिमिल्सिना बताएका छन् ।
बिद्यार्थी नेता राजिव भण्डारीले सरकारको कमजोरीले विद्यार्थीलाई मर्का पार्न नहुने बताए । नेता भण्डारीले विद्यार्थीको भविष्य नसोच्ने सरकारले देश र जनताको भविष्य सोच्न नसक्ने बताए ।
शैक्षिक थलोमा नियुक्त गर्नुपर्ने पदमा ढिला गर्दा उत्पन्न हुने परिस्थिति सरकारले नै व्यहोर्नुपर्ने चेतावनी दिए
Comments
Post a Comment